42
శ్రీ రా మా య ణ ము
ఒక వానరుఁడు వచ్చి - యుర్వీతనూజ
నొకకొంత యూరార్చి - యూరెల్లఁ గాల్చి
మఱలి యాసీత సే - మము వినిపింప
తరణిజాదులఁ గీశ - తతిఁ గూడపెట్టి
కోంతి కూటువమూఁక - గొలుపంగ వట్టి
కాంతారమున జన - కసుతావరుండు
వనధితీరమునకు - వచ్చియున్నాడు !
తనపోటునమ్మి సీ - తానిమి త్తముగ
నిటువంటి వార లే - యీవార్థి దాఁటి
కటకట ! మనతోడఁ - గలహించువారు ?
పులితోడ నెదురింపఁ - బోయెడి గొఱియ
పొలుపున రాముఁడి - ప్పుడు వచ్చినాఁడు !
తనకేల యిత్తు సీ - తను నన్నుఁబోర
వనచరాశ్రితుఁడెట్లు - వచ్చు లంకకును ? 950
అమరేంద్రయమవరు - ణాదులనైన
సమయింతు నరుల పీఁ - చమడంచుటెంత ?
అందుపై నీ సహా - యము నాకుఁ గలిగి
యింద యంచును సీత - నిత్తునే తనకు ?
కోఁతి చేసిన దుడు - కులు నాదు మదినిఁ
బ్రాఁతగిల్లవుగాన - పై కార్యమునకు
నాలోచనంబు సే - యక తీఱదయ్య !
కాలోచితంబేది ? - కని పల్కు" మనిన
కన్నులఁ జెంగావి - గ్రమ్మఁగోపించి
కన్న యర్థము కుంభ - కర్ణుఁ డిట్లనియె. 960
