91
సుం ద ర కాం డ ము
యస్త్రముల్ పనికి రా - వయ్యెనో తనకు
చంపెనొ వారి మో - సముచేసి వీఁడు?
తెంపు సేయఁగఁ జేతఁ - దీఱకున్నదియె?
ననుబాసి తానుండు - నారాముఁ డెంత
పనియైన నెఱుఁగఁడె - భావశీలములు?"2150
అనుచుఁ గ్రమ్మఱఁ గను - లందు నశ్రువులు
చినుకంగఁ దలవాంచి - సీత యున్నంత
నారామ హృదయ మ - య్యాసుర వనిత
లారావణునితోడ - నడియాసతీఱ
నెఱిఁగింతమని కొంద - ఱేఁగిరి నిదుర
తరిదప్పెదనుచు కొం - దఱు కూర్కుకొనిరి
“మనచేతఁ దీఱదీ - మానిని హృదయ
మనురాగ మొందింప - నలయింపనేల!
చేతనైనట్లు చూ - చితిమింక బ్రహ్మ
చేతను మఱలింపఁ - జెల్లదీమనసు 2160
యురకుండుఁ" డఁను నంత - నొక చెంత నిదుర
గురువెట్టుచుండి గ్ర - క్కున లేచి త్రిజట
-:త్రిజట తన స్వప్నవృత్తాంతముఁ జెప్పుట:-
"అమ్మక చెల్ల! ని - ట్టట్టని మీరు
క్రమ్ముక సీతను - గాసి సేయకుఁడు!
ఓయమ్మలార ! నే - నొకకలఁ గంటి
నీయమ్మ తెరువిక - నేల పోయెదరు?
కలయనరాదు ని - క్కలగాని నాదు
పలుకు నమ్ముఁడు మీఁదు - పరికించుకొనుఁడు!
