90
శ్రీ రా మా య ణ ము
యీలంకలోపల - నింటింట సతులు
రాలఁ గన్నీరు తీ - ఱని దుఃఖములను
దమవారు రాఘవా - స్త్రములచేఁ బడిన
క్రమమున శోకింపఁ - గా వీనులలర
నవి లెస్స వినికాని - యటమున్నుగాఁగ
రవివంశతిలకుఁ జే - రఁగఁ బోవననుఁడు!
మితికట్టిపోయె నీ - మీఁద రెన్నెల్లు
నితఁడన్ని నాళ్లుండు - నేతనయింట?
కాదన విషమింత - కై కొనిరండు
నాదు విచార మం - తయుఁ దీఱు! గాని 2130
యామాట విని రాముఁ - డసువులఁ బాసి
యామఘవుని వీటి - కరిగిన నచటి
సురలెల్ల రాఘవుఁ - జూచి సంతోష
భరితులై యానంద - పరులు గానిండు!
రామునిఁ గాంచువా - రలదె పుణ్యంబు
రామునిఁ గొలుచు వా - రలదె పుణ్యంబు!
శ్రీరాముఁ బేర్కొను - జిహ్వయే జిహ్వ!
ఆరాఘవుని దేవి - యైనట్టి నన్ను
వీఁడేమి సేయును? - విచ్చలవిడిగ
వేడిపల్కులు బల్కి - వెఱపించి నన్ను 2140
మీరేమిసేతురు? - మీరు చింతించి
చేరరాకుఁడు వల - సిన జీవనములు!
ఏటికి రాఁడొకొ - యిన్నాళ్లు? నాదు
మాట వాకొనడొ ల - క్ష్మణుఁడు దానైన!
శస్త్రసన్యాసంబు - సల్పెనొ? కాక
