ఆరణ్యకాండము
45
దొసయును విల్లుఁదో - డ్తోడ నొసంగి
శ్రీరామ! యలసి వ - చ్చినవారు మీర
లారామశీత ర - మ్యప్రదేశముల
వసియింపుఁసీత - వసివాళ్లు వాడి
కసుగంది మేనితో - గాసిల్లె మిగుల 1040
నెన్నడునలమట - లెఱుఁగదీసాధ్వి
యిన్నిపాటుల కోర్చె -నేమనవచ్చు!
వనులకుఁ బతియె - దైవంబుగా నెంచి
నినుఁగూడి వచ్చెనీ - నిత్యకల్యాణి!
మగని మేలునకోర్చి - మనసిచ్చి నడచు
మగువలెకాక భూ - మండలియొండు
నిటుగంటి సతిగల - దే! వధూమణులు
కుటిలమానసులు పే - ర్కొన నెల్లవారు!
చపలాలతలవంటి - చంచలత్వంబు
నెపుడు నమ్ములతోడ - నెనయు వాఁడియును 1050
గరుడవాయువులకుఁ - గలుగు వేగంబు
తరుణులకెందుఁ జి - త్తములందుఁ గలదు!
మాన్యయీసీత నీ - మానిని గాన
ధన్యవర్తన నరుం - ధతియునుఁ బోలి
యుత్తమగుణముల - యునికి పట్టైన
యిత్తలోదరిఁ గూడి - యిచట నీరాత్రి
నావనం బెల్ల ధ - న్యంబును లోక
పావనంబును గాఁగఁ - బవళింపుఁడనిన
నమ్ముని యనుమతి - నచట మువ్వురును
నెమ్మితో శయనించి - నిదురించి లేచి 1060
