ఆరణ్యకాండము
21
రాక్షసబాధలు - రాకుండ మమ్ము
రక్షింపు కరుణాభి - రామ! శ్రీరామ!"
అనుచు దైన్యంబుతోఁ - బ్రార్థింపుచున్న
వనవాసులకు రఘు - వర్యుఁడిట్లనియె.
చూచితి మిమ్ము మీ - చొప్పెల్ల వింటిఁ
గాచితి నవధులె - క్కడి వింక మీకు
పితృవాక్యమొనరించు - పేరిట మిమ్ముఁ
బ్రతినచే రక్షింపఁ - బనివూనినాఁడ470
నెక్కడి వాపద - లిఁక మీద మీకు
నిక్కడ మిముఁగావ - నే వచ్చినాఁడ
మీరేమిచెప్పిన - మీరక చేసి
ఘోరరాక్షసులఁ బై - కొని త్రుంచువాఁడ
నావనవాసంబు - నకు ఫలంబైన
మీవాక్యములుజేసి - మేలందు వాఁడ
బట్టుగా మిమ్ముఁ జే - పట్టిన వాఁడ
గట్టితి దనుజ శి - క్షా కంకణంబు!
నను వేఁడుకొననేల - నానావిధాస్త్ర
ధనువులెన్నటికిఁక - దాఁచనివాఁడ480
నిందఱి కభయమే - నిచ్చితి మీదు
మందిరంబులను నె - మ్మది నుండుఁడింక!
అప్రతిమంబైన - యస్మత్ప్రతాప
దీప్రానలంబు దై - తేయకాననము
దహియించు నప్పుడం - దఱుఁ జూచినన్ను
బహుమాన మొనరింపఁ - బ్రౌఢి మించెదను"
