కిష్కింధా కాండము
489
నందఱుఁ జింతింప - నంగదుఁ డపుడు
తుందుడుకున వారితో - నిట్టులనియె
-: సీతను వెదకి కనుఁగొనలేనందులకుఁ జింతిల్లి అంగదుఁడు ప్రాయోపవేశము చేయనిశ్చయించుట :-
"ఎంచ నేమున్నది - యిఁకమీఁద? కావ
రించి మించితిమి సు - గ్రీవాజ్ఞ మనము!
గడువు దప్పితిమి రా - ఘవుదేవినైనఁ
బొడగానమైతిమి - పొసఁగ బొంకుటయు
బుద్ధిమంతులు కార్య - బోధకు ల్వంశ
వృద్ధులు నీతికో - విదులు ధార్మికులు
నుత్తమగుణశాలు - లురుకీర్తినిధులు
మత్తారి వీరదు - ర్మానభంజనుల 5150
కాలోచితంబైన - గతి వివరింతు!
తేలనాడకుఁడు ప - దింబదిగాఁగ
నాలోచనము సేయుఁ - డర్కనందనుని
పాలికిఁ జని యాజ్ఞఁ - బడిపోవు కన్న
నిచట జచ్చుటయ మే - లింత లేదనుచు
నచటి కేఁగినఁ దాళఁ - డల్పదోషంబు!
సీతను వెదకి చూ - చినయది లేదు
మీతెఱం గడుగ నే - మిటికింక నాకు?
ఆతరువాత మీ - రైనట్లు కనుఁడు
ఏ తెరవునఁ బోతి - రేమి? యామీద 5160
ప్రాయోపవేశన - పరుఁడనై యిపుడె
కాయంబుఁ దొరుగ ని - క్కడ శయనింతు!