కిష్కింధా కాండము
473
నేమి? దాటుదము ర - మ్మీ'వను వారు
'రావణుఁ దోఁక నూ - రకఁ గట్టి రాము
దేవి మూఁపున నుంచి - తెత్త'ను వారు
'యెందున్న జానకి - నేఁదెత్తు నొకఁడు
పందెమాడునె?' యంచుఁ - బచరించువారు4750
అందఱు నుండగ - హనుమంతుఁ బిలిచి
యింద యంచును జేతి - కిచ్చె నుంగరము
తానేమి యెఱుఁగు? నిం - దఱు వానికన్న
హీనులే? కనుఁగొంద - మిఁక' ననువారు
అతడేమి సేయు? రా - జైనట్టివాఁడు
మితిలేని పొగడికల్ - మిక్కిలి పొగడ
కాఁబోలు ననుచు నుం - గరము చేతికిని
తాబిల్చి యిచ్చె - సీతానాయకుండు!
కనుపించుకొను వేళ - గాదని తాళు
కొని యుంటినపుడు నా - కోపంబణంచి4760
చేరి చెక్కిలిఁ గొట్టి - చేతి యుంగరము
తేరోరి యని పల్క - దినకరాత్మజుడు
తానేమి సేయునో? - దశరథాత్మజుఁడు
తానేమి సేయునో? - తప్పె గార్యంబు!'
అనువారు 'పోరోరి! - యది యేటిమాట?
మనమెల్ల నాహను - మంతుని వాల
రోమ మాత్రము లేమె - ఱుంగమే యతని
సామర్థ్య మటు సేయఁ - జను' ననువారు
నగుచు వానరు లట్ట - హాసంబుచేత
గగనంబు పుడమియుఁ - గంపింపఁ గదలి4770
