469
కిష్కింధా కాండము
-: హనుమంతుని సుగ్రీవుఁడు దక్షిణదిశకుఁబంపుట :-
"జగతిని దిక్కుల - జలధులయందు
గగనభాగమున స్వ - ర్గరసాతలముల
నీగమనం బెందు - నిర్ణిరోధంబు
వేగంబు వాక్చిత్త - వృత్తాధికంబు
నప్రతిహతము నీ - యతులితశౌర్య
మప్రమేయము నీమ - హాబాహుశక్తి
వనపర్వతద్వీప - వసుధాంబు నిధులఁ
గని మున్ను నీ వెఱుఁ - గనియవి లేవు
యక్ష గంధర్వ వి - ద్యాధర సిద్ధ
రాక్షసులకు నిల్వ - రాదు నీయెదుర 4660
లలితతేజోవేగ - లాఘవసత్త్వ
ముల నీకు సరిలేరు - ముల్లోకములను!
అనిలుఁడు గాఁడు నీ - యంతటివాఁడు
జనకుని కీ శక్తి - శతగుణాధికము!
అతిబుద్ధిచే నుపా - యబలంబుచేతఁ
బ్రతిలేనివాఁడ వ - భంగ శీలుఁడవు
మృతిలేనివాఁడవు - మేనికి నస్త్ర
హతిలేని వాఁడ వ - పాయదూరుఁడవు
లక్షిత దేశాకా - లజ్ఞాన నీతి
దక్షుఁడ వతివజ్ర - తరశరీరుఁడవు!4670
అన్న! నీ వెటులైన - నవనిజఁ జూచి
నన్ను రాఘవునిఁ బ్రా - ణములతో నునుపు
మిందఱ బ్రతుకుల - కీవె కారణము
ముందఱ నీమనం - బునఁ దోచినట్ల
