ఈ పుట ఆమోదించబడ్డది
కిష్కింధా కాండము
467
నీచేత శ్రీరామ - ని ఋణంబుఁ దీర్చి
యాచంద్రతారక - ఖ్యాతిఁ గాంచెదను!
సెలవిచ్చితిని శూర - సేనపుళింద
ములు జూచి ప్రస్థలం - బును భరతమును
కురుమద్ర కాంభోజ - కోసల యవన
కరహాటశక బాహ్లి - కంబులు జనక
పారసీకావంతి - భాగంబు లెల్ల
నారసి తుహినాద్రి - కరిగి యవ్వలను4610
గాలపర్వత హేమ - గర్భసుదర్శ
నాలోకనమునఁ గృ - తార్థులై వెదకి
దేవనగముఁ జేరి - ధీరులై మీర
లావల శతయోశ - నాయత ధరణి
మరభూమిగాన యే - మఱక యవ్వలను
హరనివాసము రజ - తాద్రి శోధించి
యలకాపురంబు య - క్షాధీశుఁడున్న
నెలవందుఁ గమనీయ - నీరంబుచేత
నమరు విశాలస - రోంబుపానమున
శ్రమమెల్లఁ దీరి క్రౌంచ - బిలంబుఁ జూచి4620
మఱికామశైలంబు - మానససరము
దరిసి మైనాక భూ - ధరమును మయుని
యిరవు విచారించి - యేఁగి యచ్చోటఁ
దిరుగు గుఱ్ఱపుమోము - తెఱవలఁ జూచి
వారి చెంగటనున్న - వాలఖిల్యులనుఁ
జేరి ప్రణామంబుఁ - జేసి జానకినిఁ
