456
శ్రీరామాయణము
డాలింగన మొనర్చి - "యాప్తులతోడ
నాలోచనము చేసి - యవనిజం దెచ్చు
పని నీకుఁ దీరని - భారంబు! మాకు
బనియేమి? యేమని - పలుక నేరుతుము
నీకెట్లు సరివోయె - నీవది చేసి
కైకొను మాకల్ప - కమనీయకీర్తి"
అనవిని సుగ్రీవుఁ - డట్లకాకనుచు
వినతుని వానర - వీరునిఁ బిలిచి
-: సుగ్రీవుఁడు వానరనాయకు లను నాల్గు దిక్కులకు సీతను వెదకుటకు నాజ్ఞాపించుట :-
"శూరుల భాస్కర - సోమసంతతుల
ధీరుల వానరా - ధిపులను గూడి
తూఱుపుగాఁ బొమ్ము - తొలుత జాహ్నవిని
మీఱి యాసరయువు - మించి కౌశికియు4350
యమునయుఁ గనుఁగొని - యామున నగముఁ
గ్రమియించి సింధువుఁ - గని సరస్వతినిఁ
జూచి సరావతి - శోణనదంబు
నాచాయ బ్రహ్మమూ - లాపగల్ వెదకి
మాళవకోసల - మగధ విదేహ
గౌళకాశీపుండ్ర - కౌశికముఖ్య
దేశంబులందు వై - దేహిని వెదకి
కోశగారంబు గ - న్గొని వెండిగనులు
గనుఁగొని మందరా - గమున వసించు
వనచరవిభుల న - వ్వలిదిశ కనిచి 4360
