కిష్కింధాకాండము
439
రాముని చిత్తంబు - రా మెలంగకయె
భూమి నొక్కఁడు సౌఖ్య - మున నుండగలఁడె?
ఎల్లి రావణుఁ ద్రుంచి - యింతిఁ జేపట్టి
చల్లఁగా శ్రీరామ - చంద్రుఁ డుండును.3930
తాళంబులు నగంబు - ధరణియు నొక్క
కోల నాటఁగ నేయు - కోదండపతికి
రావణఁడెంత శ - రంబొక్క టేర్చి
కావలసినఁ ద్రుంప - గలఁడు విశ్వంబు!
అట్టివానికి నాస - హాయత యెంత?
చుట్టఱికము చేసి - యలకఁగాఁ జేయ
రాదని నిన్ను గౌ - రవము సేయుటకుఁ
గాదె వచ్చితి వెఱుఁ - గక వెఱచితిమి
మాననేల నిమిత్త - మాత్రుని నన్ను?
బూనింపుఁ డెయ్యది - బుద్ధి చేసెదను3940
విల్లుమో పెట్టిన - విశ్వమంతయును
తల్లడింపఁగఁ జేయు - దశరథాత్మజుఁడు
ఒకరితో డాస సే - యునె? నీదురాక
నకలంక కీర్తు లే - నందితి నిపుడు
వెంట వచ్చిదను మీ - విక్రమావళులు
కంటికి మెచ్చుగాఁ - గనుఁగొనవలసి
మందెమేలమున నే - మఱి నీవురాక
ముందుగా నేను రా - ముని సన్నిధికిని
రాకయున్నట్టి నే - రము సహియించి
చేకొని నన్ను ర - క్షింపుమీ యెడల"3950
