438
శ్రీరామాయణము
వార లెవ్వరు గణిం - పఁగ నోపువారు?
ఆబలంబెల్ల స - హాయంబు గాక
చేబారలిడినఁ దె-చ్చెదరె జానకిని?
వానరవిభురాణి - వాసంబులెల్ల
దీనత భయము నొం - దిరి నిన్నుఁ జూచి
శాంతమూర్తివి గమ్ము - సభయుఁడౌ నంశు
మంతుకుమారుని - మన్నింపు" మనిన3910
గౌరవంబు హితంబు - ఘనమును గార్య
కారియు ధర్మయు - క్తంబునై నట్టి
తారానులాపంబు - తనకోపవహ్ని
నారించు జలధార - యైమట్టు పఱుపఁ
దాలిమితో నున్న - తనుజూచి మైని
చేల యూడిచి చల్వ - చేకొన్న యట్లు
వెఱవు దొరంగించి - వేడుకఁగాంచి
దొరతనమున కెల్ల - తొడవైన యట్టి
కాంచనమాలిక - కడనున్నపట్టె
మంచముపైవైచి - మందహాసమున3920
మగువలు దాను ల - క్ష్మణుఁ జేరవచ్చి
మొగమెత్తి నయయుక్త - ముగ నిట్టులనియె
—: సుగ్రీవుఁడు లక్ష్మణునితోఁ బ్రసంగించుట :—
“తనకు నీకపిరాజ - ధానియుఁ గీర్తి
యును గామినులు గల్మి - యొసఁగినవాఁడు
మీయన్నగాఁడె? సౌ - మిత్రి! యేనట్టి
కాయంబు మఱచిన - కల్లసేయుదునె?
