4
శ్రీరామాయణము
యనుమతిఁ జెంత మ - హారణ్య భూమి
యనుజన్మ సీతాస - హాయుఁడై చొచ్చి
పులులును గారెను - పోతులు బందు
లెలుఁగులు దోఁడేళ్ళు - నేదులు లేళ్లు 60
గాక ఘూకంబులు - గంకగృధ్రములు
నేకడ నెడ మీక - యీండ్రమై మెలఁగు
నవి చూచుచుం బోవ - నట్టహాసమున
నవనియు నింగియు - నరికట్టు వడఁగ
నతిభయంకరమైన - యంజనాచలముఁ
బ్రతివచ్చు మేను భూ - భారంబు గాఁగ
తెఱచిన నోరుతో- దిగదిగ వెలుగు
మెఱుఁగు కోరలతోడ - మిణుగురుల్రాల్చు
చూపులతో నుగ్ర -శూలంబుతోడ
జూపఱ బెదర వ - చ్చు సురాపరాధు 70
నా విరాధుని విల - యాంతక నిభుని
భావి రావణవైరి - భావించి చూడ,
శీఘ్రవేగమున పి - చ్చిలినెత్తు రొలుక
వ్యాఘ్రచర్మము మేన - వలెవాటు వైచి
నాలుగు సింహముల్ - నాలుగు పులులు
నాలుగుకొమ్ముల - నాగమస్తములు
పదికారుపోతు లి-ర్వది హరిణములు
పదియేను తోడేళ్ళు - పందులేఁబదియు
శూలాగ్రమున వ్రేలఁ - జొరఁబారి తనదు
మోలఁగన్పట్లు రా-మునికడఁ ద్రోచి80
