388
శ్రీరామాయణము
తెలుపును నలుపునై - తిన్నగాఁ బెరిగి
కలసిన రెండు శృం - ముగలొప్పుఁ జూడు
హరిహరమూర్తియో - యన నెల్ల వారి
నెఱిఁగించు నర్ధనా - రీశ్వరుఁడనఁగ
నలత్రికూటంబుపై - నమరుజాహ్నవినిఁ
దలపించు నీకొండ -దక్షిణ దిశను
ఉల్లోల జలశీక - రోర్ములఁబాఱు
తెల్లని యీయేరు - తేరికన్ గనుము
అయ్యేరు వికచప - ద్మాళిఁ గైసేయు
తొయ్యలిగతి నింపుఁ -దులకించ నెదుర2710
దవ్వుల మృదుసైక - తముల నీయేరు
నవ్విన రీతిను - న్నవి యంచలిచట
నిచ్చట మనమున్న - నెప్పుడు వినఁగ
వచ్చు గిష్కింధలో - వాద్యఘోషములు
చెవిసోఁకె వినవన్న! - సింహనాదములు
రవళి వానరులచే - రవిజు మేలునకు
నెంత వేడుకనుండు - నిపుడు సుగ్రీవుఁ
డంతిపురంబులో - నతివలఁ గూడి!
అతనికి నాకును - నన్యోన్యమతుల
వెతలొక్క చందమై - వేగుచుండంగ2720
సందులో నొకరికి - నైన దైవంబు
సందిచ్చె దరిఁచేర్చి - సతితోడఁగూర్చి!"
అనుచు లక్ష్మణుఁ గూడి - యాశైల నికట
వనభూములను రఘు - వరుఁడు గ్రుమ్మఱుచు
పొడవుగుబ్బలి మీఁదఁ - బొడము చందురుని
