కిష్కింధా కాండము
359
పంతంబుతోఁ బగ - పాతరం బడియె"
అనియంగదకుమారు - నావాలి చెంత
నునిచి యాతార వి - యోగ దుఃఖమున
శోకింప నావాలి - సుదతులందఱును
గాకలీరవముతోఁ - గన్నీరు చింద
హా! యంగదకుమార! హా! ప్రాణనాథ
హా! యీశ! హా వాలి! - యనిపలవించి 2030
"అయ్య! కుమారు నూ - రార్పవదేల?
తొయ్యలి యీ తార - తోఁ బల్కవేల?
ఏమేమి నేరంబు - లేము జేసితిమి
మామీఁదఁ గరుణించి - మాటాడవేల?
ఎవ్వరు వాలింతు - రీకపిరాజ్య
మెవ్వరుదిక్కుమా - కేమి సేయుదుము?"
అవి వాలిపై వ్రాలి - యందఱు నేడ్వఁ
-: హనుమంతుఁడు తారనూరార్చుట - ముందుచేయఁగల కార్యమును తెలుపుట :-
గని వాయుతనయుఁడు - గ్రక్కున వచ్చి
తారపాదముల మీఁ - దనువ్రాలి కంట
నీరుంచి తారక - న్నీరు వో దుడిచి2040
"ఓయమ్మ! నీవింత - యుమ్మలికింప
నాయమే వాలికై - నకొఱంత యేమి?
ఇలయెల్ల నేలె న - నేక దానవులఁ
బొలియించె భుజబలం - బునఁగీర్తి గాంచె
రాముబాణంబుచే - రణములోఁ బడియెఁ
-
