358
శ్రీరామాయణము
తప్పక విధివిహి - తంబైన బుద్ధి
నిప్పుడు సుగ్రీవు - నెదిరించితీవు!2000
తనకేలమాను వై - ధవ్యాదులైన
యనుపమ దుఃఖము - లవి చుట్టుకొనక?
ఆక్కట! సుకుమారుఁ - డైన యంగదుఁడు
దిక్కెవ్వరును లేక - దీనతనొంది
కితవుఁడైనట్టి సు - గ్రీవునిఁ గొలిచి
బ్రతిమాలి యేరీతి - బ్రదుకు వాఁడింక
వానికెయ్యది బుద్ధి? - వచ్చియున్నాడు
సూనునిఁ గనువిచ్చి - చూచిమాటాడి
యిదిబుద్ధియనుచు వా - యెత్తవు! నీదు
పదపద్మముల మీఁదఁ - బడియున్న వాఁడు2010
హా! హరిహయపుత్ర! - హా! వాలి!"యనుచు
నాహిరిఁ బాడిన - యనువుగా నేడ్చి
'అంగద' రమ్మని - యంగదతోడ
యంగంబు వట్టి యొ - య్యన లేవనెత్త
“ఏతండ్రి పోషించు - నిఁకనిన్నుఁ దండ్రి?
మీతండ్రి వోవన - మ్మినవారిఁ జెఱచి
భానునందనునితోఁ - బ్రతినఁ జెల్లించి
జానకీజాని నీ - జనకునిఁ జంపె
ఏమయ్య! సుగ్రీవ! - యీ వాలిఁ జంపి
నీమచ్చరంబెల్ల - నేఁడు దీర్చితివి!2020
ఆపదల్ గడతేరె - నా రుమంగూడి
యీపురంబేలు మీ - వేక చిత్తమున!
చింతించిచెయిగానిఁ - జేతఁబట్టితివి
