356
శ్రీరామాయణము
వాలియిట్లుండ నీ - వసుమతి యేల?
ఏలయంగదుఁడు? నా - కేమియు నేల?1950
వచ్చినరండు రా - వలదేని పొండు
విచ్చలవిడి" నని - వెలఁది తావచ్చి
పిడుగుగొట్టినయట్టి - పెనుగొండమారు
పడు గాత్రమున నుర్విఁ - బడియున్న వాని
నసురనాయకుల బా - హాశక్తి చేతఁ
గసిమసఁగు ప్రతాప - ఘనలీలవాని
కొండలు పొడిచేసి - కుంభినిఁ గూల్చు
చండిభుజాసత్త్వ - సంపదవాని
తనతండ్రి మెచ్చని - ధైర్యశౌర్యములు
గనువాని సజలమే - ఘధ్వని వాని1960
మృత్యుపాశములు నె - మ్మెయిఁ గట్టువడుట
యత్యంత మూర్ఛితుం - డైనట్టివానిఁ
బతిఁజూచి జానకీ - పతిఁజూచి మఱఁది
నతని చెంగటి సుమి - త్రాత్మజుఁ జూచి
వారల మీఱి యా - వాలి చెంగటికి
జేరి పైవ్రాలిమూ - ర్ఛిల్లి యాతార
తానంతఁ దెలిసి సం - తాపంబు నొంది
“హా! నాథ! హా! యంగ - దా యంచు" వగచి
యన్నువ పులుఁగు చా - యను విలపింపఁ
గన్నుల నశ్రువుల్ - గ్రమ్మ నంగదుఁడు1970
పలవింప వారల - భావించి తాను
కరఁగుచు నన్న చెం - గటఁ జేరవచ్చి
సుగ్రీవుఁడును జాల - శోకింప రాఘ
