355
కిష్కింధా కాండము
సంగరస్థలికి రా - సకలవానరులు
భీతిచేఁ బఱచిన - బెదరక తార
“హేతు వెయ్యదిపాఱ - నేమి భయంబు?
వసుధ యేలఁదలంచి - వాలినింజంపె
బిసరుహప్తసుతుండు - బెగడ నేమిటికి?
నిలుఁడన్న వారలా - నెలఁతను జూచి
కలఁగుచు “నోయమ్మ! కనుమల్లవాఁడె1930
శరము కీలనమర్చి - శమనునిరీతి
దురుసైన బలువిల్లు - దొనలును బూని
నికట భాగమునందు - నిలిచిన వీరుఁ
డొక్కఁడెవ్వడొ చూచి - యోడిపాఱెదము!
ఇటువంటి దొరఁజూచి - యేమేల నిలుతు
మటుపోవ నేల నీ - యాత్మజుఁగూడి
మఱలుము నేఁడె కు - మారునిం దెచ్చి
పురికిఁ బట్టము గట్టి - పోషింపుమమ్ము
వజ్రనిభంబైన - వాలమ్ము చేత
వజ్రసూనుఁడు రణా - వనిఁగూలినాడు1940
మనమేఁగ జెల్లదు - మాయమ్మ మఱలి
చనుదెమ్ము కాదన్న - చనుమెందునైన
బ్రదుకుపై యాస దె - ప్పరముగ మేము
గదియవత్తుమె వాలిఁ - గన్నులఁజూచి?”
అనవిని యావాన - రావళిఁగాంచి
తనమదిఁ చింతిల్లు - తార యిట్లనియె
"అవివేకులార! మ - హాశౌర్యశాలి
ప్రవిమలాత్మకుఁడు నా - ప్రాణనాయకుఁడు
