289
కిష్కింధా కాండము
కోదండపాణులై - క్రుమ్మరవలసె
నీదండ మృగముల - నెల్లఁ జంపుచును?
నయనిధులు సువర్ణ - నాభులు నిరత
జయకీర్తిశాలు లా - జానుబాహువులు
కమలపత్రాక్షులు - కరుణాభిరాము
లమరసన్నిభులునై - నట్టి ధార్మికులు330
పదములు గంద పం - పాసమీపమున
వెదకుచు నెయ్యది - వేఁడివచ్చితిరి?
వేఁడుక నేనుఁగు - వేటాడవచ్చు
గోడే సింగములనఁ - గొంకులు దేఱి
చక్కని మేను లి - చ్చట వసివాడ
నెక్కడి కేఁగెద - రెవ్వారు మీరు?
కరికరోపమ కమ్ర - కరములు నరుణ
చరణముల్ సరిపూర్ణ - చంద్రాననములు
హరిపలగ్నములు బిం - బాధరంబులును
సరసిజపత్రవిశాల - నేత్రములు340
పీనవక్షములు గం - భీరయానములు
మేనుల తేజంబు - మెఱుఁగుఁ జెక్కులును
కల మీరు రాజల - క్షణలక్షితాంగ
విలసనశ్రీల నీ - విశ్వమంతయును
నేలఁ జాలిన వార - లేఁటికి కొండ
యోలంబుఁ జేరితి - రో యయ్యలార!
జగతికి డిగు సూర్య - చంద్రుల రీతి
మిగుల రాణించు మీ - మేనుల చాయ
