288
శ్రీరామాయణము
మన మేమఱక బుద్ధి - మంతులమగుచుఁ
జను వానిఁ బనుప యో - జన సేయవలయుఁ
గావున నీవ య - క్కడి కేఁగి మేని
లావు గానఁగనీక - లఘువృత్తి తోడఁ
గొంచపుమేనితోఁ - గొంకుచుఁ జేరి
యంచల నిల్చిన - యాలాపసరణి
వారల రాకయు - వారిచిత్తములు
వారి వాక్యములు స - ర్వంబునుఁ దెలిసి310
నా దృష్టిపథమున - నాకు నౌగాము
లీదృగ్విధంబది - యేఱుపడంగ
నిలిచి పల్కుము పొమ్ము - నీవని" పనుపఁ
దలఁచి తాఁ బోవుట - తగవని యెంచి
-: హనుమంతుఁడు బ్రహ్మచారి రూపముఁ దాల్చి రామలక్ష్మణుల సందర్శించుట :-
యా కొండపైనుండి - యలఁతిరూపమున
రాకుమారకుల జే - రంగఁదాఁ దాటి
సన్నగావుల బ్రహ్మ - చారియై సిగయు
జన్నిదంబును ముంజి - సరము దండమును
మెఱయ రాఘవుల స - మీపంబుఁ జేరి
చరణపద్మములకుఁ - జాగిలి మ్రొక్కి320
లేచి యంజలి చేసి - లెక్కనేనైతి
మీచెల్వు దివ్యుల - మేరఁజూపట్టు
నే నిమిత్తమున మీ - రీవనిలోన
భానుసన్నిభదివ్య - బాణతూణీర
