282
శ్రీరామాయణము
నేమియు నేనొల్ల - నింకొక్కమాటు
భూమిజఁ గనునట్టి - పుణ్యంబుచాలు
ఈవనజంతువు - లీపంపలోని
జీవనజంతువుల్ - చింతపాల్జేసె
మనల కింకొకనాఁడు - మలయుచుండుదుమె
జనకజగూడి యీ - సానుభాగముల?
పంపాసరోవరో - పవనంబు లనుస
రింప మువ్వురము జ - రింపుదు మొక్కొ?
గలుగునే యొకనాఁడు - కలగంఠి సీతఁ
గలసి వినంగనీ - కలకంఠరవము? 170
కందునే యొకనాఁడు - కమలాయతాక్షి
సందిటిలోన ము - చ్చటఁ దీఱఁ బెనఁగ?
దొరకునే యొకనాడు - తొయ్యలిఁ గూడి
సరససల్లాపప్ర - సంగముల్ నడప?
కాంతునే యొకనాఁడు - కనకాంగితోడఁ
గంతుకేళిఁ గరంగి - కరఁగింపుచుండఁ?
జూతుమే యొకనాఁడు - చుక్కలరాజు
రీతినున్న తలోద - రిముఖాంబుజంబు?
అబ్బునే యొకనాఁడు - హరిణవిలోక
బిబ్బోకమునకు నేఁ - బ్రీతివహింప?180
నావెంటవచ్చు జా - నకి వెంటఁ బోక
యేవెంట బ్రాణంబు - లింకనిల్పుదును?
కన్నుల నెఱిఁగించు -కలయింగితంబు
చిన్నినవ్వులఁ దెల్పు - చిత్తాభిమతము
