281
కిష్కింధా కాండము
లీకలహంసల - కిచ్చి లేనడువు
లీబేడిసలచాలు - కిచ్చి దృగ్జాల
మాబాల సీత యెం - దరిగెనో నేఁడు!
పంపకు దక్షిణ - భాగంబునందు
నింపు మీరినయట్టి - ఋష్యమూకంబు140
జేవురుల్ నిండి పూ - చిన మోదువులకుఁ
దావలంబగుచు కం - దర్పప్రతాప
దావాగ్నిరాశి చం - దమున వీక్షింప
భావంబునకు భీతిఁ - బాదుకొల్పెడును!
ఒకకొమ్మపైఁ గాంత - యొక కొమ్మఁదాను
నొకచాయగానిల్చి - యొయ్యనవీచు
ముక్క తెమ్మెరలచే - ముక్కును ముక్కుఁ
జక్కగాఁ గూర్చివా - చవిఁ గొసరుచును
బికములు గ్రీడింపఁ - బెరిగిన తరువు
లకట! నామదికిఁ బా - యనిచింతఁ జేసె 150
ఇది చూపి వలరాజు - నీవసంతుండు
కదిమి చించిరి ధైర్య - కంచుకంబిపుడు!
ఒకపువ్వులోనుండి - యొకపువ్వుమీఁద
మొకిరి తేఁటులగుంపు - మురువు చూచితివె!
తరువులు లతలఁ బొం - దఁగఁ బిల్చెననఁగ
వరపక్షి కలకల - స్వనమాలకింపు!
కారండవమ్ములు - గలసి క్రీడించి
మారుని వేఁట దీ - మంబులై తోఁచె!
ఏటికి బెగడుదు - రెఱుఁగకఁ బంప
సాటిదియే సురా - పగ సద్గుణముల160
