ఈ పుట ఆమోదించబడ్డది
260
శ్రీరామాయణము
సీత నీ కతఁడు దె - చ్చి యొసంగఁగలడు
నీతోడు సుగ్రీవు - నికి కార్యకారి 6200
వెదకించు గపులచే - విశ్వమంతయును
వెదకుమాత్రమె కాదు - వెదకి సాధించు
నీసులు లేకుండ - యిరువురుఁ గూడి
బాసచేసికొనుఁడు - పావకుముట్టి
యాయుధంబులు గొట్టుఁ - డరలేకయుండ
పాయ కన్యోన్యంబు - పనులుఁ దీర్చుటకు
ధరణిపై సప్తపా - తాళంబులందు
సరసిజగర్భుని - సదనంబులోన
సీతను డాఁచి యం - చినఁ జూడ నేర్తు
రాతనిఁ గొలిచిన - యగచరోత్తములు 6210
యెచటనున్నాఁడని - యెంచితిరేని
యిచటికిఁ బడమర -నిదె చక్కఁజాయ
పొన్నతో పున్నది - పొండు మీ రచట
నున్న విశేషంబు- లూహించి కనుఁడు
-:కబంధుఁడు రామునకుఁ ద్రోవఁజూపి పోవుట:-
నచ్చోటఁ గలవు మీ - కమృతఫలంబు
లిచ్చవచ్చినయవి - యెల్ల గైకొనుఁడు
ఆరమ్యవనములో - నలఁత లన్నియునుఁ
దీఱి యుత్తరకురు - దేశంబు లనఁగ
వాసవు నందన - వనమన వీరుల
వాసించు నొక పుష్ప - వనమున్న దవల6220
