ఆరణ్యకాండము
259
నలువురు మంత్రులం - డనుఁ గొల్వనచట
తొలఁగకయున్నాడు - దుర్జయుఁ డతఁడు
సత్యసంధుఁడు ప్రతి - జ్ఞాపాలకుండు
దైత్యపన్నగ దేవ -తాగణ సిద్ధ
చారణాదులకు న- సాధ్యుఁ డనేక
వీరవానరులు సే - వింతు రాఘవుని6180
రావణుఁ డెంత శ్రీ - రామ! మీ రేమి
గావింపఁదలఁచినఁ - గడతేర్చు నతఁడు
తానెట్టివాఁడొ యా- తలి వాఁడునట్ల
కానిచో వారికెక్కడివి - నెయ్యములు!
అరకమిగొన్నవాఁ - డాకటివాఁడు
దొరయైనవాఁడు నెం - దున బీదవాఁడు
నెవ్వఁడు వాఁడు చిం - తనుఁ బొందువాఁడు
చివ్వెకాఁడును చెల్మి - చింతించువాఁడు
జతగూడ నేర్తురే - జగతి నట్లగుట
నతనికి నీకు స - ఖ్యము సేయు టొప్పు 6190
నట్టి భానుతనూజు - నంతటివాఁడు
చుట్టమైననుఁ జాలు - చూపినపనులు
సమకూర్చు నీకు ద - శగ్రీవువంటి
విమతు లెందఱినైన - వేఁటాడగలవు
రామ! యాతఁడు రిక్ష - రాజునిసుతుఁడు
భూమిపై నౌరస - పుత్రుఁడు రవికి
నినుఁడెంత పర్యంత - మెఱుఁగునో జగతి
నినసూనుఁడు నెఱుంగు - నిలయెల్లఁ జూచి
