250
శ్రీరామాయణము
తప్పించుకొని పొమ్ము - తనవంటివార
లిప్పుడుంచిననుఁ బో - యిన నేమి ఫలము? 5960
నీవు గల్గినఁ జాలు - నీ దేవిఁ గూడి
దైవంబు తోడుగా - ధరణి యేలుచును
సాకేతనగరిలో - జనకజతోడు
వాకొని యొకమాట - వచ్చిన యపుడు
ననుఁ దలఁపుఁడు గాద - నఁగ నేల మీకు
మనమిర్వురముఁ గూడి - మడిసిపో నేల?”
అనిన వత్సలత ద - యాజలరాశి
మనసు గలంగి ల - క్ష్మణున కిట్లనియె
ఏల యింత విచార - మింతటి పనికి 5970
బాలక! నీ కిట్లు - పలుక ధర్మంబె?
యేను గల్గఁగ నని - యీమాట పలుకు
లోనుగా వాఁడు కా - లునిరీతి మండి
"మీర లెవ్వరు? పేరు - మీ కెద్ది? యేమి
కారణంబుగ నిట్టి - కంటకాటవికి
జేరితి రాఁకటి - చేనున్న నాకు
మీర లాహారమై - మించితి రిపుడు
కైదువుల్ నట్టి శృం - గములతో నొప్పు
వీదిలోపలి మహా-వృక్షంబు లనఁగ
పోలిక నాముఖం - బునఁ బడినారు
చాలింపుఁ డిఁక నాశ - చావు సిద్ధంబు"5980
అనిన మాటలు విని - యాస్యంబువాడఁ
గని తమ్ముఁజూచిరా - ఘవుఁ డిట్టులయె
"అక్కటా! మనము రా - జ్యమునకుఁ బాసి
