234
శ్రీరామాయణము
నీయందు నీకీర్తి - నిజముగా నెపుడు
పాయ నేర్చునె? యేల - పదరెద రిపుడు?
నేర మొక్కఁడు సేయ - నిఖలలోకములు
నోరామ! పొలియింప - నూహసేయుదురె?
గుఱుతులు మనమొక - కొన్ని చూచితిమి
వెఱచి పాఱిన నేల - విడుతుము వాని
నెచటికిఁ గొనిపోవు - నీసీత నొకరుఁ
డచలుఁడై మెల్ల నే - యరయుద మిపుడు
జానకికై యొంటి - జగడ మిచ్చోట
నైనది యెవ్వఁడో - యడ్డంబు వచ్చె! 5580
తెలియుద మిది నీదు - దేవేరి నొకఁడు
ములుచయై కొనిపోవ - మూఁడులోకములు
నీకేమి సేసె? దీ - నికి నింత తెగువ
కాకుత్థ్సకులదీప! - క్రమ మౌనె సేయ?
కారుణ్యమూర్తివి - కల్యాణనిధివి
నీరామ కెవ్వఁడు - నేఁడింత కీడు
దలఁచెనో యట్టి పా - తకు ద్రోహిఁ బట్టి
తలఁ ద్రుంపు మిది రాజ - ధర్మమై యుండు
భూమిజ వెదక ని - ప్పుడు చింతయేల?
ఈమౌను లున్నవా - రేనున్నవాఁడ 5590
శోధింత మెందైనఁ - జొచ్చి జానకిని
సాధింత మింకవి - చార మేమిటికి?
పోఁబడి దెలిసియుఁ - బోనీయ మనము
ఛీ! బీదలమె! యెందు - సీత లేకున్న
సురల వేడుద మట్టి - సురలును సీత
