ఆరణ్యకాండము
215
నీకు లోనౌదాన - నే? యీతలంపు
నీకొనగూడదు - నిష్కలంబగుదు
భరతుఁడు నిన్ను బం - పఁగద్రోహచింత
విరసమేర్పడనీక - వెంటవచ్చితివి
అజ్జ చూచుక యుంటి - వన్నకు వెఱచి
సజ్జను గతిఁ బట్టి - జంపించి తిపుడు
నీవుచూడఁగ నేఁడె - నీకిత్తుఁబ్రాణ
మావలఁ బొమ్ముని - రాశ సూరికిని.' 5120
అని పల్కనీవెట్టు - లయినఁ గమ్మనుచు
జనకజ డించి యి - చ్చటికి వచ్చితిని
ఏమి సేయిదు?” నన్న - నీసుతో వినియు
నామాట వినక "యె - ట్లైన నౌఁగాక
యేమన్న నేమి? రా - నెట్లగు నీకు?
భూమిజ యేమైనఁ - బోవనిమ్మనుడు
నేరంబు నీమీఁద - నిలిచె హితంబుఁ
గోరక నన్నింత - కొదవ చేసితివి
ఆటది యనుమాట - లాగురి యిట్టి
పాటి యన్యాయంబు - పరగునేసేయ? 5130
నీకోపమే చూచి - నేనన్నమాట
యాకడఁ ద్రోచితి - వల్పుఁడవైతి
వెఱుఁగని జానకి - యేమన్న నేమి?
ఎఱిఁగి యెఱింగి నీ - కెట్లు రావచ్చు?
అమ్మునేఁ దొడిగిన - యపుడె మాయామృ
గమ్ము చందముమాని - కపటదానవుఁడు
పడువేళ నీరీతి - పలుకుచు వాఁడె
