216
శ్రీరామాయణము
పడియున్న వాఁడు నా - బాణపాతమున."
అని వచ్చి పాడైన - యాపర్ణశాలఁ
గనుఁగొని శోభావి - కాసంబు లేక 5140
హేమంతమునఁ దమ్మి - నెడబాసి యొప్పు
తామరకొలని యం - దము మించుదాని
సీతలేదని తెల్పు - చెలువునఁ బక్షి
జాతనానామృగ - స్వనములదాని
చెదరిన దర్భలు - శీర్ణపాత్రములు
ప్రిదులు నాసనములు - బెదరునేణములు
తలఁగిన వనదేవ - తలు రాలువిరులుఁ
గలిగిన తమయిల్లు - కలఁగుచుఁ జొచ్చి
జానకిఁ గానక - శాలాంతరంబు
లోన నాలుగు దిక్కు - లునుఁ దేఱిచూచి 5150
—: పర్ణశాలయందు సీతలేకుండుటఁజూచి రాముఁడు దుఃఖించుట :—
యెదవడి "లక్ష్మణ! - ఏమియోసీత
వెదకినఁ గానము - వెడలిపోయినదొ?
దనుజులు మ్రింగిరో? - తాను నామనసుఁ
గనవేడి డాఁగెనో? - కానమేమియును
మృతినొందెనో భీతి? - మేలిమి విరులు
లతలు గోయ వనంబు - లకుఁ బోయినదియొ?
నీటికేఁగెనొ? యొక్క - నెలవుననైనఁ
బాటలాధర గాన - బడదేమిసేతు?"
