212
శ్రీరామాయణము
జానకి గలిగిన - సకలంబు గలుగు
వానిగా నెంచి దై - వము నోర్వదేమొ?
ఎడవాయునప్పు డ - య్యెలనాఁగ మోము
కడపటి చూపుగాఁ - గనుఁగొంటినేమొ?
ఇప్పుడు మనయింటి - కేఁగుచో నాదు
చప్పుడు విని పర్ణ - శాలలో వెడలి
నగుమోముతో వచ్చి - ననుఁబైఁట చెఱఁగు
సగము జూఱంగ ము - చ్చట గౌఁగిలించి
నిలిచిన బ్రాణముల్ - నిలుచు నామేన
తొలఁగిన నటమున్నె - తొలఁగు నాక్షణమ! 5050
మత్తుఁడవై నీవు - మదిఁ గ్రొవ్వియొంటి
నుత్తమగుణవతి - నుర్విజనుంచి
వచ్చినవాఁడవు - వాకొనరాదె
చచ్చెనో బ్రదికెనో - జానకివార్త!
సుకుమారగాత్రి మం - జులవాణి సీత
నొకనిచేఁ దగిలి కు - య్యోయంచుఁ బోవ
నీమేనితో నుండి - యిట్టి నీకతన
నేమేమి దుఃఖంబు - లేనందఁ గలనొ!
ఆదురాత్ముని మాట - యాలించి సెవికి
వేదుఱుట్టఁగనిట్టు - వెడలి వచ్చితివి. 5060
వత్తురే యెటులైన - వనితను డించి
కత్తులబోనైన - గహనంబులోన
నక్కటా! పరులకు - నవకాశమిచ్చి
యొక్కింతయైనమో - మోటవో విడిచి
నామాటయును మీఱి - నా వట్టినిన్ను
