ఆరణ్యకాండము
211
మాయామృగము గోరు - మన సీతయేది?
నాసుఖదుఃఖముల్ - నాతోడ వంతు
చేసుక యనుభవిం - చియు చింతలేక
ముదమొందుచును నాదు - ముచ్చటలెల్ల
మదిలోన యీడేర్చు - మన సీత యేది? 5020
ఏచెలి నెడవాసి - యేనోర్వఁజాల
నాచంద్రబింబాస్య - యగు సీత యేది?
సీతతో నెడవాసి - చేపట్టనొల్ల
భూతల సామ్రాజ్య - భోగంబులైన
నాయింద్ర సామ్రాజ్య - మైననాప్రాణ
నాయకి యగునట్టి - నాసీత యేది?
మాటున నుంచి నా - మనసు చూచెదవె
మాట నేమిటికన్న - మనసీత యేది?
నాప్రాణములకన్న - నాకుహెచ్చైన
యాప్రాణ వల్లభి - యగు సీతయేది? 5030
నావనవాసంబు - నకుఁ దోడునీడ
కావలెనని నమ్మి - కామించి తెచ్చు
పూనికె నెరవేర్వ - పూని యున్నట్టి
మానవతీమణి - మనసీత యేది?
కైక పూనిక చెల్లెఁ - గానోపు సీత
కాకుత్థ్స కులమెల్లఁ - గడతేర్చునేమొ?
కొడుకుఁ గోడలిజంపు - కొనిన కౌసల్య
యిడుమలఁ బడికైక - నిఁకఁ గొల్చునేమొ?
సీతచచ్చినఁ జావు - సిద్ధంబు తనకు
నీతరి నన్ను నీ - వెడఁబాతువేమొ! 5040
