ఆరణ్యకాండము
195
నామేర గొనిపోవ - నలుక జనింపఁ
గనుఁదామరల కెంపు - గనుపింప సీత
దనుజేంద్రు వీక్షించి - దర్పించి పలికె.
-:సీత రావణుఁడు చేసిన పనికి నిందించుట:-
“తగునె రాత్రించరా - ధమ! కానిపనులు
తెగిసేయ? దీనఁ జెం - దెడు లాభమేమి?
ఒంటిగా నుండు న - న్నోడక పట్టి
బంట నేననుకొన్న - పౌరుషంబగునె!
కనరైరి గాక రా- ఘవులు నీ తలలు
తునిమివైవరె యొక్క - తూపు సంధించి!
సిగ్గేమియును లేక - చెప్పెదు బలిమి 4640
యెగ్గెఱుంగక దొంగ -కే నోరు గనము!
నా నిమిత్తంబుగా - నాప్రాణవిభుని
కానల కెలయించి- కపటమృగంబు
కలిగించి యటు బందు - కట్టి లక్ష్మణుని
తొలగించి నన్ను నె - త్తుకపోవఁజూచి
యరికట్టినట్టి జ - టాయువుఁ దునిమి
గరువించనేల? యీ-ఖగరాజుతోడి
వృద్ధునితోఁ బోరు - వేళ నీదైన
యుద్ధంబు భుజశక్తి - యును గాననయ్యె!
పరకాంత నెవ్వాఁడు - బలిమిచేఁ బట్టి 4650
వరియింపఁ బొందును - వాఁ డధోగతుల
నిందుకు రోసెద - వే నీ ప్రతాప
మందఱు వినిన వే - యాడు దుర్మతివి
