ఆరణ్యకాండము
171
జలరాశి యెంత తు - చ్ఛపునది యెంత?
కులశైల మది యెంత - గొగ్గిరా యెంత?
కల్పవృక్ష మదెంత - ఖాదిరం బెంత?
అల్పమానస! రాము - నంతటివానిఁ
జనకెదు బంగారు - సీసంబు నెట్టు
లెనయు? రామునితోడ - నీడు రాఁగలవె?
గరుడునితో మాలకాకి యేరీతి 4050
సరివచ్చు రాముని -సాటి వే నీవు!
రాముఁ డుజ్జ్వల ధను - ర్బాణసన్నాహ
భీముఁడై యుండనం - బేదనుబోల
ననుబట్టి మేనఁ బ్రా - ణంబులు డాపఁ
గనుకల్గి యేతల్లి - కడుపు మెచ్చెదవు?
యాగబియ్యంబని - యత్తి వజ్రంబు
మూఁగిమ్రింగిన జీర్ణ - మున కేలవచ్చు?
నిపుడె వచ్చెదరు వో - యినఁ బోతివింక
కపటాత్మక! నిలిచినఁ - గడకుఁ బోలేవు
రాముని బాణప - రంపరల్ బొదివి4060
నీమేను దహియించు - నిమిషంబులోన!”
అని భీతిచే సీత - యాడినమాట
లనునయాలాపంబు - లను లెక్కఁగొనక
కావరంబున దశ - కంధరుం డలిగి
యావధూమణి తోఁ - నప్పు డిట్లనియె.
{{C|-:రావణుడు సీతకు నిజరూపంబును గనఁబఱచుట; సీతదూషించుట:-}
“తొయ్యలి! ధనదుండు - తోబుట్టునాకు
