170
శ్రీరామాయణము
పర్ణసాయకుడు చే - పట్టినదాన
పట్టైయిన ధర్మంబె - పట్టిన రాజ 4020
పట్టభద్రుండు చే - పట్టినదాన
కోదండపాణియై - కొమురొప్ప రాము
పాదపద్మములు చే - పట్టినదాన
క్షుద్రనిశాచర - స్తోమంబు దునుము
భద్రేభగమనుఁ జే -పట్టినదాన
సాహసనిధిఁ గృపా- జలధి నాజాను
బాహుని కరుణ చే - పట్టినదానఁ
గోరఁ జెల్లని సింహ - కులసతి నక్క
గోరిన చందానఁ - గోరితి వీవు
కాంచనవృక్షముల్ - గనినట్లు కాల 4030
వంచితాత్మకుఁడవై - వాకొంటి విట్లు
ఆఁకొని యున్న సిం - హము కోఱపళ్లు
వీఁక చేఁ దివియ భా - వించెద వీవు
విషయాతురుండవై - విషమవాక్యములు
విషముఁ ద్రావిననీకు - విషమింపకున్నె
నాలుక నసిధార - నాకినయట్లు
పోలసూదిని కన్ను - పొడుచుకొన్నట్లు
మెడరాయి కట్టుక - మీరివారాశి
బడినట్లు రవిఁ గేలఁ -బట్టినయట్లు
కాలాగ్నివడి నడి - గట్టుకొన్నట్లు 4040
శూలాగ్రముల నేఁగఁ - జూచిన యట్లు
రాముని దేవిఁ జే - రఁగఁ దలంచెడవు!
తామసాత్మక నీదు - తలవ్రయ్యు నిపుడె
