146
శ్రీరామాయణము
-:మారీచుఁడు బంగారు లేడి రూపము ధరించుట:-
మారీచుఁ డపుడాత్మ - మాయాప్రపంచ3440
మారావణుఁడు మెచ్చి - యవునని పొగడ
మరకతమణిభాస -మానశృంగములు
వరుణోత్పలచ్ఛాయ - లమరుమొగంబు
నీలనీలప్రభా - న్వితకర్ణములును
జాలఁ గాంచనరుచుల్ - చల్లుకంథరయు
నింద్రనీలపుముక్కు - హీరమరాళ
చంద్రసన్నిభమైన - శాతోదరంబు
గొప్పవైడూర్యముల్ - గూర్చినయట్ల
యిప్పపూవులచాయ - నెసఁగువాలంబు
గోమేధికంబులు - గొరిజలు వెండి 3450
కామలవలె సోయ - గము లైన కాళ్లు
ముత్తెపుఁబొడలు కెం - పుల మూపురంబు
లత్తుకచ్ఛాయఁ జె - లంగు కందంబు
కురువింద నయనముల్ - క్రొవ్వాఁడి చూపు
లరుదు మీఱఁగ మృగం - బై పొడసూపి
చెట్టుల కెగఁబ్రాకి - చివురులు మెసవి
గుట్టలు చంగు చం - గునఁ జౌకళించి
సీతముందఱ వ్రాలి - చిత్రమృగంబు
ధాత వ్రాసిన వ్రాఁత - తను నెచ్చరింప
బోవుఁ గ్రమ్మరఁ జూచుఁ - బోవక మఱలు 3460
తావు లాస్వాదించు - దాఁటు నట్టిట్టు
మెల్లనే నడచు భూ - మిని బొడల్ వెట్టు
నొళ్లు జాడించు మే - నూరక విఱుచు
