ఆరణ్యకాండము
61
స్థితులును గుణదోష - చింతలు నరసి
వారలు చెప్పిన - వైఖరి నడవు3130
మారాముఁ జెనకి ద్రో - హము సేయనేల?
హిత మహితంబు న- వెంచక జనక
సుతఁ దెత్తునని చెడఁ - జూచెదవేల?
నీవు గల్గిననట్టి - నెలఁతలు నీకు
వేవేలు గలరేల - విడువు మీతలఁపు
-:పూర్వము శ్రీరామునిచేఁ దనకుఁగల్గిన భంగపాటును మారీచుఁడు రావణునఁకు జెప్పుట:-
ఇదిపరమార్థంబు - హితము నామాట
మదిఁజేర్చి లంకకు - మఱలిపొ మ్మీవు.
దనుజేంద్ర! తొల్లి భూ - ధరము చందమునఁ
దనువెత్తి యయుతవే - దండసత్త్వమునుఁ
గుండల మాణిక్య - కోటీరదివ్య3140
మండనంబులుఁ దాల్చి - మదగర్వరేఖ
దండకాటవి కేఁగి - తాపసోత్తముల
కండలు దిని దావుఁ - గడుఁగ్రొవ్వు దొట్టి
యున్నచో గౌశికుఁ - డొదిగి నావలన
జన్నంబుఁ దాఁజేయ - శక్తుఁడు గాక
నాదశరథుఁ జేరి యవనీశ! పలల
ఖాదులు నాదు యా - గము సాగనీరు.
అందుకు మీరాము -నంపుము దనుజు
లెందరు వచ్చిన - నితఁడు దండించు
ననవిని గాధేయు - నాదశరథుఁడు 3150
