126
శ్రీరామాయణము
వీణాది సంగీత - విద్యలచేఁ బ్ర
వీణలౌ నచ్చర - వెలఁదులగుంపు
చలువముత్యపుసరుల్ - చందనప్రసవ
ములు దాల్చు దేవతా - ముగ్ధాజసములుఁ
గలహంస బకచక్ర - కారండవాది
జలపక్షి కలకలాం - చత్తటాకములు
విచ్చలవిడిఁ జెంత - విహరింప నిలకుఁ2970
వచ్చిన దేవతా - వరవిమానములు
తీరంబులకుఁ దెచ్చి - తెరలు వైచుటయు
నారజల్లిన యట్ల - నలరు ముత్తెములు
గరడులచే లవం - గములు తెప్పలుగఁ
దరిఁజేర వెరఁజు వ - ర్తకుల మొత్తంబు
మోసులైన ప్రవాళ - మూలకందములు
రాసులై దేరు తీ - రలతాగృహములు
మిరియపుఁ బొదరిండ్ల - మీద ఘుమ్మనుచుఁ
దిరుగుచు నసియాడు - తేఁటిదాఁటులును
వెండి బంగారముల్ - వెలలేని మణులు2980
నిండిన గనుల నె - న్నిక కెక్కుచరులు
తఱచుగాఁ బెరుగు చిం - దంపు తిప్పలును
గరిమముల్ మించిన - కరపట్నములును
గజవీరభట తురం - గమ రథంబులును
విజయకరణములై - వెలయు కోటలును
చల్లనై మెల్లనై - చాలనెత్తావు
లెల్లడ వెలివిరి - యించు గాడ్పులును
గలిగిన జలధి చెం - గటి విభవములు
