ఆరణ్యకాండము
125
రాకొట్టి తగినసా -రథిఁ జేరఁ బిలిచి
రథ మిచ్చటికిఁ గొని - రమ్మన వాఁడు2940
పృథువేగ మొప్ప ని - ల్పినఁదేఱి చూచి
కామగంబును మణి - గణవిభాదివ్య
ధామంబు దనుజన -క్త్రఖరాన్వితంబు
నగు తేరిపై నెక్కి - యర్ధరాత్రమున
గగనమార్గంబునఁ - గదలి శీఘ్రమున
ధవళాతపత్రంబు - దశశిరోభాగ
రవిభాసమానవ - జ్రకిరీటములును
నెఱతావిదిశల నిం -డిన పారిజాత
సరములఁ బొలుచు వి- శాల వక్షంబుఁ
జగచక ల్వెదచల్లు - చలువదువ్వలువ 2950
నకళంకరుచి చంద్ర - హాసంబు మెఱయ
మెఱుపులు గల నీల - మేఘంబు వోలి
ధరణికి డిగ్గి యా - దశకంధరుండు
నెడనెడనున్న మ- హీధరావళియు
నుడివోని ఫలముల - నొప్పు వృక్షములఁ
జలువనీటి నెసంగు - జలజాకరముల
నలరెడు మౌనుల - యాగవేదికల
నారికేళరసాల - నారంగవకుళ
భూరుహనీరంధ్ర - పుణ్యాశ్రమములుఁ
బన్నగ గంధర్వ - పక్షి కింపురుష2960
కిన్నిరమిథున సం - కీర్ణకుంజములు
వాలఖిల్య మారీచ - వైఖానసౌజ
లాలితపర్ణశా - లాప్రదేశములు
