ఆరణ్యకాండము
107
క్రమ్మరఁ జేరి య -కంపనుడనియె.
"విలువిద్యయందుఁ బ్ర - వీణుఁడు రాముఁ
డలఘుసాహసుఁ డింద్రు - నంతటివాఁడు
కారుణ్యశరధి య - శల్యపాత్మకుఁడు 2510
సారసాక్షుఁడు సర్వ - సముఁడు ప్రాజ్ఞుండు
నతని తమ్ముఁడు నస - మాధిక శౌర్యుఁ
డతని లక్ష్మణుఁడని - యందురు పేరు.
అన్నతో సరియైన - యతిబలశాలి
యన్నిట మేటి దే- వావళికన్న
ననిలునితోఁగూడు - నగ్ని చందమునఁ
దన సహోదరుని ప్ర - తాపంబు చేత
రాముఁడున్నట్టి గ - ర్వముఁజూచి యింక
నేమిటి పౌరుషం - బెట్టి వారలకు?
అతఁడు జనస్థాన - మారడిఁబుచ్చె2520
నతనిచే హతులైరి - యఖిలదానవులు
రామునికిని సంగ - రంబునఁదోడు
హేమపుంఖశరంబు - లింతియే కాని
కడమవారలఁజూచి - కాన మవ్వీఁట
వెడలు తూవులు మహా - విషభుజంగములు
నెందెందు చూచిన - నెల్ల రాక్షసుల
ముందఱ దోఁచు రా - ముఁడు సమరమున
నింతటివానిచే - నీజనస్థాన
మంతయుఁ బాడయ్యె - నసురులు వడిరి.”
అనిన రావణుడు దు - రాగ్రహంబొదవ 2530
