క. నరగణము లర్యమాంభో
ధరరసతారకలు శక్రఠహనర్క్షము లా
సురగణము లనిలగురుహిమ
కరనక్షత్రములు దేవగణములు వరుసన్. 55
క. సురరజనీచరగణములు
కరకరిపడుదనుజమనుజగణములు మఱియు
న్నరసురగణములు వొరయును
సరిఁబ్రియ మొనరించు నొక్కచందపుగణముల్. 56
క. కమలహితుఁడున్న నక్ష
త్రము మొదలుగ నేడు దోషతమములు నడుమం
బ్రమదప్రదములు పండ్రెం
డమరఁగ శుభములు తొమ్మిదింటం బద్యాదిన్(?) 57
క. మొదల సజీవగణంబిడం
గొదలేక కృతీశుబ్రదుకు కొనసాఁగు మది
న్వెదకక నిర్జీవగణం
బదికినయప్పుడు భయంబు నాయువు దరుగున్. 58
క. కృతిమొదలి దగ్ధతారక
పతి నతిదారిద్ర్యుఁ జేయుఁ బ్రజ్జ్వలితము దు
ర్మృతి నొందించును మఱి దు
ర్మితనక్షత్రంబు రుజల మెయి నలయించున్. 59
క. పతితారకుఁ బద్యముఖ
స్థితతారకుఁ గీడుమేలుఁ జింతింపక దు
ర్మతిఁ గవిఁ జెప్పఁదొడఁగెడు
నతఁడు చుమీ కవిపిశాచ మారయ నుర్విన్. 60
ఉ. వర్ణము నిర్ణయించి కృతివక్త్రమునం గదియింప నాయకుం
డర్ణవవేష్టితావని సమస్తము నేలుఁ గవీశ్వరుండు నా
పుట:Shriiranga-mahattvamu.pdf/429
ఈ పుట అచ్చుదిద్దబడ్డది
