పుట:Shriiranga-mahattvamu.pdf/430

    పూర్ణమనోరథుం డగుచుఁ బొల్చు సుఖస్థితిఁ గావ్యముల్ బుధు
    ల్వర్ణన సేయనొప్పు దిశలన్వసుధేశసభాంతరంబులన్. 61

మ. క్షితిబీజంబులు సంపదల్పొదలఁ బోషించుం బయోబీజముల్
    సతతంబు బ్రమదం బొనర్చు శిఖిబీజంబుల్ మృతింజేయు మా
    రుతబీజంబులు శోకవారిధిఁ బడంద్రోచు న్నభోబీజముల్
    పతి నత్యంతదరిద్రుఁ జేయు వరుసం బద్యాది నొందించినన్. 62

వ. తత్ప్రకారం బెట్టిదనిన, 63

సీ. అఇఉఋలేనును నాదీర్ఘవర్ణంబు
    లైదు నేకారంబు నైదునవల
    వరుసం గవర్ణాది వర్గపంచకమును
    యాదులైదును షాదు లైదుఁగూడఁ
    బదివర్గములు వర్ణపంక్తులు నొండొంటి
    క్రిందఁ బొందుగ నిల్ప నందులోనఁ
    ప్రథమాక్షరంబులు పవనబీజంబులు
    నవలిని దహనబీజాక్షరములు

గీ. అవనిబీజాక్షరంబులగుఁ దృతీయాక్షరములు
    వారిబీజంబు లాతరవాతిలిపులు
    గగనబీజంబు లైదవకడలవెల్ల
    వాని మేలును గీడును వలయుఁ దెలియ. 64

క. పొందొంద నంశచక్రము
    నందలి తారాపదాక్షరావలి వెడలం
    బొందుగనుండఁ గవీంద్రులు
    ముందట నిడవలయుఁ బద్యముఖమున నిలువన్. 65

గీ. అక్షరంబు మంచిదైనఁ గ్రూరగ్రహ
    వేధఁ బొంది గుణము విడిచి చెఱచు