పుట:Shriiranga-mahattvamu.pdf/318

శ్రీరంగమహత్త్వము

163

⁠

తన్మహోగ్రచక్రధారానలజ్వాల లందు, మిడుతఁబోలె మ్రందిపోవు.

⁠ 43

చ.⁠

అనవుడు, వారితోడ ననఘాత్మక మాధవి యిట్లనుం, బ్రియం బగువచనంబ నిక్కమగునట్టిద, నిర్మల పుణ్య మించుకై నను నొనరింపదే నిపుడు నాసుకృతం బొకయింత యిచ్చెద జెనకక దీనిఁ వోవిడిచి చిత్తములోఁ గలయార్తిఁ బాపుడీ.

⁠ 44

చ.⁠

పొడమిన యార్తిమై, శరణుఁ బొందినవారి కృపాగుణంబు చొ ప్పడ, నభయంబు లిచ్చి వెలయం దనప్రాణము లిచ్చియైన నె వ్వఁడు సవరించు, నప్పురుషవర్యుఁడు పుణ్యుఁడు, తద్విధంబు చొ ప్పడక యుపేక్షసేయు జడభావులు పొందుదు రుగ్రదుఃఖముల్.

⁠ 45

క.⁠

ధారుణిఁ ద్రిభువనపూజిత మీరమ్యక్షేత్రరాజ, మిచ్చోటఁ బ్రియం బార వసియించు ప్రాణులు తోరపుదురితములఁ బాయుదురు నిమిషమునన్.

⁠ 46

క.⁠

అవిరళవిచిత్రమహిమల భువిఁ బ్రస్తుతి కెక్కుఁ దీర్ధముల నన్నిటికిం రవణింపఁగ నధికంబై ప్రవిమలతీర్థంబు పరమపావనలీలన్.

⁠ 47

తే.⁠

అట్టి యీపావనక్షేత్రమందు నియతి నా వసించినయట్టి పుణ్యంబులోన నీలతాంగికి నిచ్చితి నేకదివస సంచితంబైన సుకృతప్రపంచఫలము.

⁠ 48

వ.⁠

అని పలుకునంత నంతకము న్నంతకకింకరులచేత నాభీలంబు లగుకాలపాశం బులం గట్టువడి మొఱవెట్టుచున్న యన్నాతి బంధనిర్బంధనం బెడలి జలధరనిరోధం బెడలి భాసిల్లు సుధాకరు కళయునుంబోలెఁ జాల నొప్పారె. నప్పు డతిదుర్గమం బగుతన్మార్గంబు మందారమంజరీమరందబిందుతుంది

⁠