మఱియు నమ్మహార్ణవంబు సముదీర్ఘమద దుర్ణివారంబులై విస్రంభ
విహారంబులఁ బరిభ్రమించు కుంభకుంభీర తిమింగల మకర
కర్కటాది జలగ్రహంబుల సమగ్రకోలాహలంబుల నినుమడించి బ్రహ్మాండ
భాండోదర నిరంతర జంతుసంతాన నిర్ఘోష ప్రతిఘోషంబుకైవడి నెడపడక
విశ్వ విశ్వంభరాభారధురీణకరేణు కర్ణకుహరంబులు చెపుడుపడ నడరు
బెడిదంపు మ్రోతలును దుర్వారవే గావహాది మహామారుతప్రేరితంబు లై
చూడ్కులకు వెక్కసంబుగా నెక్కడఁ జూచిఁన దండతండంబు లగుచు
నొండొంటి నొత్తుకొని వచ్చు నుత్తుంగతరంగ సంఘట్టనరయంబున వొడమి
యెడములం గూడి దరులకుఁ దొట్టి తెట్టువలు గట్టి యస్తోకంబులై కౌస్తుభా
కల్పునకుఁ దల్పం బగుభుజంగపుంగవుఁ డప్పటి కెడలించిన కుప్పసంపుతిప్పల
చొప్పున రసాతలాభీల క్రీడానురాగకలితనాగకన్యకాబృందంబు పందెంబునకై
యెగవైచిన ముక్తాఫలకందుకంబునుంబోలె వియచ్చరు లచ్చెరువునొంద
నుచ్చలితం బగు బిందు సందోహంబులును, నితరనిమ్నగా సంగంబుల
భంగంబు నెఱపు తనవలనఁ బండితా భావంబు భజియించి యంబరంబు
వదలక నిద్రా త్యాగంబునుం బోలె ననిమిషాలోకనయై యున్న మిన్నేటిఁ
దేర్చుటకై నేర్పునఁ బరిభవించిన దీర్ఘబాహార్గళంబుల లీల నభ్రంకషంబు లై
గ్రాలు కల్లోలంబులును భూతకాలంబున నమృతోత్పాదన సమయంబున దేవ
దానవ వ్యూహ బాహాపసవ్య సవ్యాకృష్యమాణఫణిరాజ రజ్జువలయ వలయితా
మంధర మందర పరిభ్రమణ విలులితంబు లగు పయఃపూరంబుల విభ్రమ
విశేషంబుల నెందును బాయకున్నవొకో యనుశంక నంకురింపం జేయు
విపులా వర్తంబులును, బక్ష విచ్ఛేదనారంభ విజృంభితుం డగు జంభారి వలని
