పుట:Shriiranga-mahattvamu.pdf/244

వికీసోర్స్ నుండి
ఈ పుట అచ్చుదిద్దబడ్డది

శ్రీరంగమహత్త్వము

89


ఘన మగునంతరాయములు గైకొన కెంతయు శాంతచిత్తుఁడై
యనిలమ క్రోలుచుం బటుశిఖానలపంచకమధ్యమంబునన్.

199


క.

ఆతని తీవ్రతపస్స్థితి
చేతస్తాపం బొనర్పఁ జింతాకులుఁడై
ధాతకడ కమరనికరస
మేతుండై చని సురేంద్రుఁ డిట్లని పలికెన్.

200


మ.

ఘనతేజుండు సనత్కుమారుఁడు మహోగ్రస్ఫూర్తి నుర్విం దపం
బొనరన్ సల్పెడు నిప్పు డేనతని యుద్యోగంబు వారింతుఁ బొ
మ్మనుచుం బన్నిన విఘ్నముల్ చనియె వమ్మై నీ వుపేక్షించి-ని
ల్చిన నేకక్షణమాత్ర లోకములు భస్మీభూతముల్ సేయఁడే!

201


క.

కావున నింద్రపదం బౌ
నావల నొం డెద్దియైన నరుఁ దదభీష్టం
బీవేళఁ దడయ కొసఁగి ని
రావిలముగఁ జేయు జగము అరవిందభవా.

202


వ.

మేము నిన్ను శరణు జొచ్చి నార మెయ్యది కర్తవ్యం బది యానతిమ్మని
యాఖండలుం డూరకుండె - ననంతరంబ తత్సభాంతరంబునకు నుమా
కాంతుం డేతెంచి శతమఖ ప్రముఖ నిఖిల బర్హిర్ముఖులఁ గనుంగొని తదా
గమన ప్రయోజనం బడిగి వారలు సనత్కుమార ఘోరతపోభీతు లగుట
దెలిసి జలజాసనుం గనుంగొని.

203


క.

ఇది యేటిరాక తలఁపె
య్యది సేయఁగఁ దగినకార్య మెద్ది జగం బా
పద యెట్లు వాయు ననవుఁడు
త్రిదశజ్యేష్ఠుండు వామదేవున కనియెన్.

204


చ.

అరయ సనత్కుమారుఁడు యుగాంత్యమహాచల తీవ్రతేజుఁ డె
వ్వరికినిఁ దత్తపం బుడుపవచ్చునె మోక్షపదాభిలాషమై