పుట:Shriiranga-mahattvamu.pdf/218

శ్రీరంగమహత్త్వము

63

వ.⁠

అని యివ్విధంబున నిచ్ఛారూపచతురసల్లాపంబులఁ బ్రమోదంబునొంది వినోదించుచు.

⁠ 64

క.⁠

ఓసరసిజాక్షి! యిది గడు నోసరమని యేల దవుల నోసరిలెదు నీ కేసరములు వలసిన నీ కేసరములు గూర్పు లలితకేసరములుగాన్.

⁠ 65

చ.⁠

తలఁపులు నిక్క, నిక్కపుముదమ్ములఁ దమ్ముల సంచలించు ని య్యలులకు లోఁగి లోఁగినుకనందెద నందెదవేల, చంపకా వలి వలినున్నమొగ్గల నివారణ వారణయాన-కోయు-మిం పలరఁగ దానఁ దేటి రసమానదు మానదు లేఁతపూవులన్.

⁠ 66

క.⁠

ఎలమావుల వలరాయని యలమావుల శుకపికంబు లాఁగినవేల్పుం బొలమావుల విరహార్తుల దలమా వులుకక[1] చరింపఁ దరుణీ యిచటన్.

⁠ 67

సీ.⁠

ఏపారువనలక్ష్మి యిమ్ములు దమ్ములు తుహినాంశు నెనరు కందువలు దొవలు, భ్రమరనాయకు లేలుపల్లెలు మల్లెలు కందర్పు సిరులు చెంగల్వవిరులు, నెసఁగుపూమొగ్గల యెల్లలు మొల్లలు వలఁపు సంపదలు చేవంతిపొదలు తొలినెయ్యములకుఁ బోదులు విరవాదులు నవవిహారదములు నారదములు

⁠

తే.⁠

వేడుకల కామెతలు కురువిందలతలు రసికజనముల మెచ్చుల రచ్చపచ్చ

⁠

1. 63 నెం. పద్యానికి ఈ గుర్తు పెట్టి కవిగారు *తలమా+ఉలుకక, ఈ సంధి లాక్షణికమతవిరుద్ధము అని వ్రాసినారు. ఆ ప్రతిలో ఇది 279 నెం పద్యం.