పుట:Shriiranga-mahattvamu.pdf/217

వికీసోర్స్ నుండి
ఈ పుట అచ్చుదిద్దబడ్డది

62

ద్వితీయాశ్వాసము


సీ.

పాదపల్లవ మృదుస్పర్శఁ జూతంబుల
సుకరాంఘ్రి హతుల నశోకములను,
గలభాషణంబులఁ గర్ణికారంబుల
వదనాసవంబుల వకుళములను
బరిరంభణంబులఁ గురువకప్రతతుల
దృగ్విలాసంబులఁ దిలకములను
దరహాసకాంతి సంతతి సురపొన్నల
సమదరాగంబులఁ జంపకముల


తే.

నసమ సమగీత లహరిఁ బ్రియాళములను
జారుముఖ గంధముల సింధువారములను
ప్రౌఢ నఖరాంకురక్రీడఁ బాటలముల
నాదరంబార నందందఁ బ్రోదిచేసి.

61


సీ.

అతివ! చందన లింకాంచితం బీవనం
బిదియేల నీమోము నిట్లకాదె,
పల్లవోల్లాసిని! పడఁతి యీ తరుశాఖ
నీ జాడ లదియును నేలఁబోలు
లలితాంగి! మాధవీలతిక పుష్పిణియైన
నంటఁగా రాదు నీ వందుఁ జనకు
వనజాక్షి! కాంచనావలి కాససేసెదు
జగ మంతయును దద్వశంబకాదె,


తే.

మెరసి లోకోత్తరంబై సమీరణంబు
దక్షిణంబౌట యెఱుఁగవా తరుణి యిపుడు
బాల నీసొమ్ము రాజీవజాల మెల్లఁ
దలఁప మాకేల కైవర్తతతికిఁగాక.

62


క.

ధవళేక్షణ! లీలార్థం
బవతంసముగాఁగఁ గువలయముఁ దాల్చెఁ జెలీ
చెవి నమరసత్యవతిగా
భువి నిక దలఁమోపు మాసెఁబో ఫణిపతికిన్.

63