రంగూన్ రౌడీ.
అను
పతిభక్తి.
షష్ఠాంకము.
రంగము 1.
స్థలము:--గిరికుమారి మందిరము.
[గిరికుమారి సంగీతగోష్ఠియం దుండగా వికృతాకారముతో ప్రభావతి ప్రవేశించును]
ప్రభా - అమ్మా! దాహము ! దాహము !! (క్రింద పడిపోవును.)
గిరి - (దగ్గఱకు వచ్చి చూచి) అయ్యో ! యెవ్వతెయో మిగులు నలసి వచ్చినది - దాసీ ! దాసీ ! శుభ్రమైన శీతలోదకము కొనిరావే !
దాసీ -- (నిష్క్రమించును.)
గిరి - (ప్రభావతిశిరోజములు సరిజేయును) ఆహా ! విధాత యెంతనిర్దయుఁడు ? ఎట్టిసౌందర్యవతి కెట్టిదురవస్థ కలిగించెను ! ఆహారపానీయములు లేక, మొగము కళఁబాసియున్నను సహజమైన సౌందర్యవిలాస మెట్టివారినైన సమ్మోహింపఁజేయునదిగా నున్నదే! భళీ! ! గిరికుమారియదృష్టము ! నాయింటనున్న తొత్తులలో నొక్క తెయు నీమె కాలిగోటికైన సమానమగునది కానరాదు కదా ! ఈజగదేకసుందరిని భగవంతుడు నాపై ననుగ్రహముననే పంపియుండెఁ గాఁబోలును! “ప్రాఁతరోత, క్రొత్తవింత"యనునట్లు నావద్దనున్న ప్రాఁతతొత్తులవలన రాబడి క్రమముగా
