ఈ పుట అచ్చుదిద్దబడ్డది
32 రాధికాసాంత్వనము
ఉ. లోపలి కేఁగి గారుడవిలోలశిలాగృహసీమ శయ్యపై
గోప మెసంగఁగాఁ జిలువకోమలి చాడ్పున నున్న యింతి సం
తాపముఁ జూచి పుష్పశరతాపము మీఱ మురారి చేరి బె
ట్టూపిరితోడఁ బాదముల యోరకు రాఁ గని లేచి దిగ్గునన్. 112
ఉ. ఎవ్వరు పిల్చి రిచ్చటికి నెందుకు వచ్చితి వేమి కార్య మే
నెవ్వతె నీ వెవండ విక నెవ్వరి కెవ్వరు కంటిఁ గంటి మీ
జవ్వని విన్న రవ్వ లిడు చాల్ తడవాయెను వచ్చి లేచి పో
నవ్వెద రెల్లవారు గని నన్నును నిన్నును గోపశేఖరా. 113
క. అనఁ జెలి పాదంబులపై
ఘనచింతారత్నఘటితకనకకిరీటం
బును మోపి లేవకుండిన
వనజానన సిగ్గు వలపు వడ్డికిఁ బాఱన్. 114
