50 ప్రబంధరత్నావళి
లీనావనీపుష్పలోలాలికలనాదరచితమన్మథధనుర్జ్యారవంబు,
పరిఖాంబుపరివర్తకరవిడంబితవార్ధిసంచారిజీమూతసంచయంబు,
గీ. మహితవితరణ నృపతికుమారతిలక
హసితగీర్వాణసర్వంసహారుహంబు
విపులసౌభాగ్యపుష్పలావీవిలాస
కలితరథ్యాంతరము ద్వారకాపురంబు. (ఆం) 227
సీ. కరిముఖుండు లిఖించెఁ గల్యాణరేఖలు కనకపట్టికల లోకములకెల్ల,
వివిధశిల్పానల్పవిన్యాసరచనల వేది శృంగారించె విశ్వకర్మ,
కేకేసి యప్సరఃకాంతాజనంబును బెరిమెతో నేతెంచెఁ బేరఁటంబు,
పంచమహాశబ్దభరితమై విలసిల్లె నంకురార్పణమహోద్యమవిభూతి,
గీ. భార్గవుఁడు దానవాన్వయ ప్రథమగురుఁడు
కాలసంసిద్ధికై నిల్పె గడియ [కొడుపు]
[శాస్త్రసరణిని] దేవతాసంయమీంద్రు
లాచరించిరి పుణ్యాహవాచనంబు. (ఆం) 228
చ. కలమవనప్రతానములు గాచుటకై చనుదెంచి యింపులం
జిలికెడు మంజురీతి విలసిల్లఁగ నార్చుచు ముద్దుఁబల్కులన్
జిలుకులఁ దోలి పైఁ జెమరుచెందఁ గొలంకుల కేఁగి చిల్కలం
జిలుకల నాడుచుండుదురు చెన్నుగఁ బామరబాలికాజనుల్. (ఇ) 229
క. కల్పితమణిఘృణిరచనా
కల్పమగు వివాహవేదికామధ్యమునన్
గల్పోక్తవిధానంబున
వేల్పించిరి యదుకుమారు వేల్పుం దపసుల్. (ఆం) 230
ఉ. కాంతనితాంతరతనపరికల్పితశిల్పములన్ ద్రికాలమున్
వింత తెఱంగులన్ దనరి విష్ణుపదోల్లిఖవైజయంతికా
సంతతు లుల్లసిల్ల సిరిచామ యహర్నిశమున్ వెలుంగ న
త్యంతముఁ జూడ నొప్పుఁగను నప్పురిలేని గృహప్రతానముల్. (ఆం) 231
చ. కులకుధరాపహాసిపురగోపురశేఖరరత్నదర్పణం
బుల వలరాచపోఁడుములు పోలఁగఁ జూచి తలంపు ప్రాణనా
