ఈ పుట అచ్చుదిద్దబడ్డది
వాలుకన్నుల వెంకటస్వామి
ఓ వాలు గన్నుల మువ్వ వెంకటస్వామి
నిన్ను నేను విడువ జాలరా;
ఇంటిముంగల ఇనపరోలు
సేతిన శాబంతి రోకలి
దంచి దంచి నీవంక సూసితే
ధరణి మీద కాలునిలువదు వెంకటస్వామి
నిన్ను నేను మరవ జాలరా; ౹౹ఓవాలు౹౹
ఉంటే ఈవూళ్ళో ఉండు
పోతే పొరుగు దేశం వెళ్ళు
సుట్టు పట్టల ఏ మూలనున్న
సూడక నామనస్సుండా దెంకటస్వామి
నిన్ను నేను మరవ జాలరా: ౹౹ఓవాలు౹౹
ఎర్ర సెరువు వాలుగు ముక్కలు
గోల కొండ గుల్ల సింతపండు
ఆవాలు ధనియాలు వేసి వండితే
ఆవాసనకీ సుట్టు తిరిగే వెంకటస్వామి
నిన్ను నేను మరువ జాలరా; ౹౹ఓవాలు౹౹
ఓ అందజాడ నాకోడెకాడ
సందె కాడను గోడదూకి
తొంగి చూడ గడబిడాయెను
నాబంగారు మామ వెంకటస్వామి
నిన్ను నేను మరువ జాలరా; ౹౹ఓవాలు౹౹