ఈ పుట ఆమోదించబడ్డది
8 వరికలుపుపాట
—వరిచేనులో కలుపుతీస్తున్నప్పుడు, అంటే పొలాన్ని నిర్మాలిన్యము చేస్తున్నప్పుడు కూలివారి కల్పన సుకుమారి కోడలిమీదకి ప్రసరించింది. బంగారు బిందెలోని చేమంతికట్టలలోని చిన్నపు మంచపు సన్నపు నులకమీద పడుకున్నదట జాణ లక్ష్మమ్మ! పాటనంతా వినండి.
చిక్కుడూఆకుల్ల వెన్నియ్యలో
శివసద్దులుగట్టి వెన్నియ్యలో
చిత్తూరునేబోదు చుట్టాలజూడ
అక్కడెవరున్నారె ఆంభోజిరాజు
మా అమ్మతమ్ములు మాకు మేనమామలు
మముగన్నతండ్రికి బావమరదులమ్మ
బావమరదులుగూడి బాయితోడించిరి
బాయిలో ఉన్నది బంగారిబిందె
బిందెలో ఉన్నది చామంతికట్ట
కట్టలనెవున్నది చిన్నపు మంచము
చిన్నపు మంచానికి సన్నపునులుక
దానిమీద పండేటి జాణలెవరమ్మ
పనిజేసె లక్ష్మమ్మ పవళించినాది
విసనగఱ్ఱలతోటి విసిరిలేపన్నా
విసిరినాలేవదు విరజాజిమొగ్గ
కొబ్బరాకుడకలతో కొట్టి లేపన్నా
10
